نهر الحب

[AhMeD.SaMiR]

AhMeD.SaMiR

AhMeD.SaMiR

:: المدير الـعـام ::

الجنس :

---

الدولة :

---

النادى المفضل :

---

---

عدد المشاركات : 1231
تاريخ التسجيل : 31/05/2008

---

• مساهمة رقم 1

نهر الحب

 من طرف AhMeD.SaMiR الخميس 12 فبراير 2009 - 16:19

فهمت عنيكي وكلامهم
وخوف فيهم معذِبهم
وإخلاصك وحرمانك
ونهر حنان
نشوفه مابينا يبني جسور
لكن قدامنا يطلع سور
واطل بعيني ألاقيكي مع التاني
أقف حيران
عنيكي تقوللي متسبنيش
ونظرة تقوللي سيبني أعيش
ونظرة تقوللي بحتاجلك
وبندهلك في كل أدان
وهمسة حب توعدني
وشيء جواكي يبعدني
و فيكي البسمه مكسوره
وفرح بتسجنه الأحزان
أعديلك بقلب جريح
واسلم مركبي للريح
تقولي انجدني.. لأ خليك
ده مش سجان
أعود تاني لشطي وحيد
واسيب قلبي مابينكو شريد
ونهر الحب قدامي
لكني اخترت اعيش عطشان
وباسم الحب وشرَفنا
وعشق بتقتله ظروفنا
هسيبلك دنيتك وارحل
بدون عنوان
ومهما تغرَّبي واشرَّّّّّّّّّّّّّّّّّّّّّّّق
ومهما قـَدَرْنا هيفرَّق
قلوبنا لابد تتلاقي
في كل مكان
فراق يمكن يموتنا
يتَوٌّهنا في سكتنا
تغيب الشمس في نهارنا
ويرمينا في ليل سهران
ورغم ده كله انا قابل
ورافض تاني نتقابل
أخاف أشواقنا تغلبنا
واضمك ينفجر بركان
بعيني وقلبي اغنيلك
قصور عالرمله أبنيلك
و بحر عنيكي ساحرني
و فيه غرقان
تغني الدنيا حوالينا
ونحلم حلم مش لينا
وهمسة حب مع نظره
نلاقي مابينا ألف شيطان
وننسي في لحظه إن احنا
هوانا أصفي من روحنا
بحبك. بس مش هقدر
أخون إنسان
علي بطاقته انكتب إسمك
مَلَك روحك مَلك جسمك
تنامي حبيبتي بين حضنه
وانا في حضني ينام حرمان
ولو عمري هعيشه وحيد
مايدخل قلبي حب جديد
ولا هـحلم بغير طيفك
لكن مقدرش اكون خوان
أكون ماضي واكون ذكري
أكون حلم في إيدين بكره
أعيش ليكي اللي راح والجاي
لكن يومك مليش فيه مكان
خِسرتك أيوه في الدنيا
لكن بينَّا حياه تانيه
هنبقي لبعض في الجنه
مايبعد بينَّا أي زمان
ياغاليه وروحي تفديكي
عليم ربي بموووت فيكي
ولولا عشقي لهواكي
ماكون إنسان
وداع ياأغلي من ذاتي
يا عشقي وفرحي وأهاتي
ولو ليا نصيب فيكي
حـ يجمعنا رضا الرحمن

بحبك..بس مش قادر أكون خوان

أعجبنيلم يعجبني

[rehab]

rehab

rehab

عضو فعال

الجنس :

---

الدولة :

---

النادى المفضل :

---

---

عدد المشاركات : 69
تاريخ التسجيل : 15/05/2009

---

• مساهمة رقم 2

رد: نهر الحب

 من طرف rehab الأحد 17 مايو 2009 - 14:12

ميرسى والله يجنن تسلم ايدك

أعجبنيلم يعجبني

[AhMeD.SaMiR]

AhMeD.SaMiR

AhMeD.SaMiR

:: المدير الـعـام ::

الجنس :

---

الدولة :

---

النادى المفضل :

---

---

عدد المشاركات : 1231
تاريخ التسجيل : 31/05/2008

---

• مساهمة رقم 3

رد: نهر الحب

 من طرف AhMeD.SaMiR الأحد 17 مايو 2009 - 16:50

عفوا يا رحاب
والله مرورك على الموضوع هو اللى اجمل

أعجبنيلم يعجبني